Վիքիպեդիա-օնլայն հանրագիտարանը չի կատարել Թուրքիայի պահանջները՝ ոչ հավաստի տեղեկությունները և հոդվածները կայքից հեռացնելու վերաբերյալ, որոնցում Թուրքիան մեղադրվում էր ահաբեկչական կազմակերպությունների հետ կապի մեջ: Այս մասին հաղորդել է Թուրքիայի տրանսպորտի և հեռահաղորդակցության նախարարության աղբյուրը:
Ինչպես նշել է զրուցակիցը, Թուրքիան Վիքիպեդիայի կազմակերպիչներից բազմիցս պահանջել է ուղղումներ մտցնել ոչ հավաստի տեղեկատվության մեջ: «Ցավոք սրտի կայքում մինչ օրս պահպանվում է Թուրքիայի վերաբերյալ ոչ հավաստի տեղեկատվությունը»,- ասել է աղբյուրը: Նա նաև նշել է, որ օնլայն հանրագիտարանը կապաարգելափակվի Թուրքիայի տարածքում միայն այն բանից հետո, երբ իրականացվեն Թուրքիայի համապատասխան պահանջները:
Նշենք, որ նախօրեին Թուրքիայի ԶԼՄ-ները հաղորդել են, որ Վիքիպեդիայից ջնջվել են բոլոր այն նյութերը, որոնք Թուրքիայի՝ ահաբեկչական կազմակերպությունների հետ կապի մասին տեղեկություններ էին պարունակում: