Դեռահասներին թունավորումից և մահից պաշտպանելու համար՝ YouTube-ը վայրկենական հեռացնելու և արգելափակելու է օգտատերերի տեսանյութերը: YouTube-ը դաժանորեն կպատժի նրանց, ովքեր մասնակցում են Tide Pod Challenge ֆլեշմոբին, հաղորդում է CNet-ը: Հիշեցնենք, որ նրա իմաստը տեսախցիկի առջև լվացքի փոշի ուտելու մեջ է:
The Washington Post-ի հաղորդմամբ, 2017 թվականին մոտ 220 ամերիկյան դեռահասներ հիվանդանոց են ընկել լվացքի միջոցներից թունավորման պատճառով: 25%-ի դեպքում լվացքի փոշու օգտագործումը կանխամտածված է եղել: 2018 թվականին, երկու շաբաթվա ընթացքում, 38 թունավորման դեպք է գրանցվել ԱՄՆ-ում՝ լվացքի փոշի ուտելու պատճառով:
What should Tide PODs be used for? DOING LAUNDRY. Nothing else.
Eating a Tide POD is a BAD IDEA, and we asked our friend @robgronkowski to help explain. pic.twitter.com/0JnFdhnsWZ
— Tide (@tide) January 12, 2018
Անցյալ շաբաթ Tide կենցաղային քիմիայի արտադրողը զգուշացում էր հրապարակել, որ Tide Pod (լվացքի միջոցի կապսուլները) ոչ մի դեպքում չի կարելի կուլ տալ:
Tide Pod Challenge ֆլեշմոբը հայտնվել էր դեռ անցյալ տարի, բայց ավելի տարածվեց այս տարվա սկզբին: Բլոգերները կուլ էին տալիս լվացքի փոշին և էստաֆետը հանձնում ընկերներին: