Լուրեր
«Զապաս» դատավորն ո՞ւր է. «Սասնա ծռերի» պաշտպանը՝ դատավորին
  • 17:35
  • 2018-01-18
  • Դիտումներ՝ *

2016թ. Ոստիկանության ՊՊԾ գունդը գրաված եւ մի շարք ծանր հանցագործությունների մեջ մեղադրվող «Սասնա ծռեր» խմբի անդամներից Արմեն Լամբարյանի, Արթուր Մելքոնյանի, Տիգրան Սարգսյանի, Արթուր Սողոմոնյանի, Գառնիկ Հովակիմյանի, Հովհաննես Վարդանյանի, Աշոտ Պետրոսյանի, նաև՝ Կարո Եղնուկյանի, Վարդգես Գևորգյանի, Խաչատուր Գիչյանի և Մանվել Աթոյանի գործով դատական նիստում այսօր ամբաստանյալների պաշտպանները բողոքեցին դատավոր Արտուշ Գաբրիելյանի այն որոշման դեմ, համաձայն որի՝ ամբաստանյալների համար նաև հանրային պաշտպաններ են ներգրավվում՝ այն դեպքում, երբ նրանք իրենց նախընտրած՝ պայմանագրային պաշտպաններ ունեն:

Գրիշա Բալասանյանը դատավոր Արտուշ Գաբրիելյանին հորդորեց «զապասով» պաշտպաններ չնշանակել. «Եթե այդպես եք վարվում, ես էլ հարցնում եմ՝ իսկ «զապաս» դատավորն ո՞ւր է: Վերանայեք ձեր դիրքորոշումը պաշտպանական կողմի հանդեպ: Հիշեցնում եմ, որ դատավորի վարքագծի կանոնագիրք գոյություն ունի, որի կետերին պարտավոր եք հետեւել, մինչդեռ այսօր ոտնատակ արեցիք հանրային վստահությունը»:

  • Դիտումներ՝ *