Եվրամիության ինստիտուտների ղեկավարները պատրաստ են փակել Մեծ Բրիտանիայի ԵՄ-ից դուրս գալու գործընթացը այն դեպքում, եթե դրա օգտին հանդես գա բրիտանական լորդերի պալատը,- հաղորդել է դիվանագիտական աղբյուրը՝ Բրյուսելից:
Բրիտանական խորհրդարանի լորդերի պալատը կսկսի Brexit-ի օրինագծի ուսումնասիրությունը հունվարի վերջին, -չորեքշաբթի հայտարարել է Մեծ Բրիտանիայի՝ ԵՄ-ից դուրս գալու հարցերով նախարար Դեվիդ Դեվիսը:
Չորեքշաբթի երեկոյան բրիտանական խորհրդարանի համայնքների պալատը երրորդ և վերջին ընթերցմամբ ընդունել է Brexit-ի օրինագիծը: Այժմ փաստաթուղթը գնում է լորդերի պալատ, որից հետո դրան պետք է հավանություն տա թագուհին:
«Արդյո՞ք բրիտանական լորդերը կարտահայտվեն հօգուտ Brexit-ի նոր հանրաքվեի անցկացման: Դրանից շատ բան է կախված»,- ասել է զրուցակիցը:
Նրա խոսքերով՝ ԵՄ ղեկավարները հիմա չեն ուզում Brexit, բացատրելով դա նրանով, որ դա «պարտություն է բոլորի համար»:
Ընդդեմ Brexit-ի հետևողականորեն հանդես է գալիս ԵՄ առաջնորդ Դոնալդ Տուսկը, ով ներկայացնում է ԵՄ անդամ երկրների առաջնորդներին: