ՀՀ վարչապետ Կարեն Կարապետյանը գտնում է, որ պետական գնումների ոլորտում առկա են օպտիմալացման մեծ հնարավորություններ: Այդ մասին վարչապետը նշեց կառավարության նիստում: «Մենք հիմա անցնում ենք նախարարություններով, գերատեսչություններով և ունենք հստակ մի հայտանիշ, որով գնահատելու ենք աշխատանքը: 2017-2016, 2018-2017 թվականների գնումների համեմատության մեջ ես պարտադիր ուզում եմ լսել, թե մեկ միավորի գնի փոփոխությունն ինչպես է կատարվում: Մենք այստեղ օպտիմալացման շատ մեծ տեղ ունենք: 2017-2016 թվականի գների մեջ բավականին տարբերություն կա, այդ տենդենցը ցանկանում եմ, որ նույնպես շարունակվի»,- ասաց վարչապետը:
