Մեծ Բրիտանիայում 42-ամյա Մո Ահմեդը երկու անգամ զանգահարել է արտակարգ ծառայություն՝ հայտնելով փաբում ռումբի տեղադրման մասին, որտեղ հանգիստն է վայելել նրա կինը։ Նա այդ կերպ ցանկացել է փչացնել կնոջ երեկոն։ Այս մասին հայտնում է The Mirror-ը։
Զայրացած ամուսնու արարքի պատճառով գարեջրային ռեստորանից տարհանվել է ավելի քան 100 մարդ։ Դեպքը տեղի է ունեցել Մայնհեդ քաղաքում։
Տեղի ունեցածի հետևանքով հաստատության ղեկավարությունը 845 ֆունտ ստեռլինգ է կորցրել։
Քննիչները պարզել են, որ զույգը ֆինանսական խնդիրներ է ունեցել, և երբ Ահմեդն իմացել է, որ կինը խնայելու փոխարեն գնացել է փաբ, խիստ զայրացել է։
Կեղծ զանգի համար տղամարդու դեմ սահմանվել է 6 ամսվա պայմանական ազատազրկում, 120 ժամյա հարկադիր, չվճարվող աշխատանք և 840 ֆունտի տուգանք։
