Եվրոպական վիճակագրական գործակալությունը ամփոփել է անցյալ տարվա տվյալները և հաղորդել, որ 10 եվրոպացիներից 7–ը գնումներ են կատարում համացանցում՝ օնլայն խանութներից։
Սակայն Եվրոպայի տարբեր երկրներում նրանց քանակը տարբեր է։ Օրինակ Ռումինիայում ինտերնետի օգտատերերի միայն 23%–ն է օնլայն գնումների սիրահար, Բուլղարիայում՝ 27%, Կիպրոսում՝ 39%, Մեծ Բրիտանիայում 86%, Շվեդիայում 84% և Դանիայում, Գերմանիայում և Լյուքսեմբուրգում՝ 82%։
Հագուստը և սպորտային ապրանքները կազմում եմ գնումների 71%-ը, դրանց գնորդները հիմնականում 16-24 տարեկաններն են։ 25-54 տարեկանները հիմնականում կենցաղային տեխնիկա են գնում։ Իսկ 55-74 տարեկանները հիմնականում ձեռք են բերում տոմսեր և ուղեգրեր։