Ռուսական հեռուստահաղորդավար, «Մատչ TV»-ի գլխավոր պրոդյուսեր Թինա Կանդելակին եկել է Instyle ամսագրի ստուդիա ֆոտոսեսիայի և պատմել է, որ հիացած է հայ–վրացական արմատներով մարդկանց տաղանդներով։
Նկարահանման ավարտից հետո նա շփվել է լուսանկարչի հետ և պարզել է, որ նրա մայրը վրացի է, իսկ հայրը՝ հայ, և պարծեցել է, որ իր արմատները նույնպես հայ–վրացական են։
«Իմ մայրը հայ է, իսկ հայրս վրացի։ Դրա համար էլ մենք լավագույնն ենք ֆեշնինդուստրիայում։ Ովքե՞ր են ամենալավ լուսանկարիչները. հայ–վրացիները, ովքեր են լավագույն մոդելները՝ հայ–վրացիները։ Մեր տաղանդն անսպառ է»,– ասել է Թինա Կանդելակին։
https://www.facebook.com/rusarminfo.ru/videos/875838649256696/
Նա պատմել է, որ վրացիները շատ են սիրում Instagram-ը, բայց հայերն այնտեղ ավելի շատ են։
«Հայկական տրաֆիկը Instagram է լցվում ինչպես Նիագարայի ջրվեժը։ Ահա Քիմ Քարդաշյանը՝ հայ ժողովրդի հպարտությունը։ Մինչև նրա հայտնվելը բոլորը կարծում էին, որ վրացուհիներն ամենագեղեցիկն են, իսկ հիմա մտածում են՝ որ ամենագեղեցիկը հայերն են»,– ասել է հեռուստահաղորդավարը։ Նա նաև հայտարարել է, որ հայերը վրացիներից հարուստ են՝ «նրանք գնել են ողջ Ֆրանսիան»։
