Ամերիկյան դերասան Բրեդլի Կուպերը դարձել է IWC Schaffhausen ժամացույցի գործարանի նոր դեմքը։ Այս մասին պաշտոնապես հայտարարել են բրենդի ներկայացուցիչները՝ այս օրերին Ժնևում անցկացվող Ժամացուցային բարձր արվեստի միջազգային ցուցահանդեսի ժամանակ (SIHH 2018)։
IWC Schaffhausen–ի գլխավոր տնօրեն Քրիստոֆ Գրեյնջեր–Հեռն այսպես է մեկնաբանել Բրեդլի Կուպերի հետ համագործակցությունը. «Ստեղծագործական կատարելության նրա ձգտումը իդեալական կերպով համադրվում է IWC ժամացուցային մանուֆակտուրայի փիլիսոփայության հետ, որն իր 150–ամյա պատմության ընթացքում մշտապես զարգանում է և աշխարհով մեկ հիացնում է մարդկանց ձեռագործ ժամացույցների վարպետության նկատմամբ իր կրքով»։
IWC-ի հետ համագործակցել են անպիսի աստղեր, ինչպիսիք են Քեյթ Բլանշետը, Էմիլի Բլանտը, Քեվին Սփեյսին, Բորիս Բեքերը, Ադրիանա Լիման, Կարոլինա Կուրկովան և այլոք։