Բրիտանական Թեթֆորդ քաղաքի գրապահոցից անհայտ չարագործների կողմից գողացվել են 12 հազվագյուտ հրատարակություններ։ Անհետացած ամենաթանկ գիրքը Ջոան Ռոուլինգի «Հարի Փոթերն ու փիլիսոփայական քարը» վեպի առաջին հրատարակությունն է։
Գիրքը թողարկվել է 1997 թվականին Bloomsbury հրատարակչատան կողմից՝ 500 օրինակով։ Անհետացած օրինակը հատուկ արժեք է ունեցել, քանի որ հավելյալ փաթեթավորված է եղել հատուկ ստվարաթղթե կարմիր պատյանով, որի վրա եղել է նկար և գրքի վերնագիրը։ Հազվագյուտ նմուշի արժեքը գնահատվում է 40 հազար ֆունտ։
Բացի այդ, կորել են այլ գրքերի առաջին հրատարակությունները։ Խոսքը Ֆրենսիս Ֆիցջերալդի «Մեծ Գեթսբիի», Ալան Միլնի «Վինի Պուխի» 4 առաջին թողարկումների հավաքածուի, Ջոն Տոլկինի «Հոբբիթի» մասին է։
Սքոթլանդ-Յարդը փնտրում է գողերին։ Նախնական տվյալներով՝ գողությունը կատարվել է լույս հունվարի 9–ի գիշերը։ Գրքերը տարել են երկու տղամարդիկ, ովքեր պահոցում գտնվել են կես ժամից ոչ ավելի։