Երևանի Ավան և Նոր Նորք վարչական շրջանների ընդհանուր իրավասության դատարանում շարունակվել է «Սասնա ծռեր» 10 անդամի գործով դատական նիստը:
Նշենք, որ նախորդ դատական նիստին ամբաստանյալները հրաժարվել էին նիստին մասնակցել, քանի որ իրենց բոյկոտով ցանկանում էին աջակցել հացադուլի մեջ գտնվող Արմեն Բիլյանին:Նրանք հրաժարվեցին իրենց պաշտպաններից ու լքեցին դատական նիստերի դահլիճը:
Դատավորը որոշում կայացրեց ներգրավել հանրային պաշտպանների: Այսօրվա նիստի ժամանակ «Սասնա ծռեր» խմբի անդամները հերթով հրաժարավեցին հանրային պաշտպանների ծառայություններից։
«Սասնա ծռեր»-ը դատարանում հայտարարեցին, որ ցանկանում են իրենց պաշտպանությամբ զբաղվեն այն փաստաբանները, որոնցից նախորդ դատական նիստին հրաժարվել էին։ Ամբաստանյալ Վարուժան Ավետիսյանը նիստի սկզբում իր ընկերների անունից հայտարարեց այդ մասին. «Շնորհակալություն Բիլյանին և Բարսեղյանին, որ լսեցին «Սասնա ծռեր»-֊ի շտաբի պետ Մխիթար Ավետիսյանի խոսքը և դադարեցրին հացադուլը։ Նրանց պահանջը մնում է ուժի մեջ, նրանք պետք է տեղափոխվեն Արմավիր ՔԿՀ»։
