Այսօր ԱԺ-ում լրագրողների հետ զրույցում ՀՀ Արդարադատության նախարար Դավիթ Հարությունյանն անդրադարձավ քրեական հեղինակություն համարվող Արա Վարդանյանի՝ «Ճվճվ Արո»-ի որդու մասնակցությամբ վերջերս տեղի ունեցած ողբերգական ավտովթարի և նրանց կողմից հնարավոր հանցագործությունների կատարման դեպքերին:
Լրագրողները մասնավորապես հետաքրքրվեցին՝ «Ճվճվ Արո»-ի երկու որդիներն էլ նախկինում հետախուզման մեջ են եղել, սակայն միայն ոստիկանների մահվան ելքով ավտովթարից հետո են հայտնաբերվել. սա չի՞ խոսում անպատժելիության մասին»:
Հարությունյանը գնահատականներ չտվեց՝ ակնարկելով, որ խոսքը կոնկրետ իրավիճակին է վերաբերում: «Չեմ կարող ասել, թե Սերժ Վարդանյանը ինչու մինչ այդ չէր հայտնաբերվում: Նման հարցերը ոստիկանությանն ուղղեք»,-նշեց նախարարը:
