Կանադայում, ռեստորանների ցանցի նոր ռադիոգովադզը առաջարկել է ճաշի համար հինգ դոլար ծախսել, դինոզավրերի մասին ավելի շատ իմանալու փոխարեն և դրանով վշտացրել է կանադացիներին։
«Դուք կարող եք թանգարանի էքսկուրսիա գնել հինգ դոլարով»,– հոլովակում ասում է տղամարդը։ Ապա թանգարանի էքսկուրսավար կինը շարունակում է՝ «Սկզբում եղել են դինոզավրերը, հետո նրանք վերացել են։ Բայց դուք կարող եք դուրս գալ սուվենիրների խանութի միջով»։ Այնուհետև ձայնն առաջարկում է ռադիոլսողներին հինգ դոլար ծախսել լիարժեք ճաշի համար՝ սենդվիչով, ֆրիով և ըմպելիքով։
Exploration Place թանգարանի տնօրենը նշել է, որ գովազդը իրեն շատ է վշտացրել։ «Այնպիսի տպավորություն է, կարծես մենք ուզում ենք մարդկանց թալանել մեր սուվենիրների խանութում, դրա համար ավելի լավ է հինգ դոլարը ծախսել McDonald’s–ի նոր առաջարկի վրա»,– նշել է նա։
Բրենդի ներկայացուցիչը ներողություն է խնդրել և նշել է, որ հոլովակը պետք է որ ծիծաղելի լիներ և չվիրավորեր թանգարաններին։ McDonald’s–ը անձամբ է ներողություն խնդրել թանգարանի և թանգարանային ասոցիացիայի տնօրեններից։