տիկանության ծառայությունը հունվարի 17-ին հայտնաբերել է Երևանի Նոր Նորքի զանգվածում գտնվող «Երևան սիթի» սուպերմարկետի տարածքում գործող շուկայում սպանության մեջ կասկածյալիև և բերման ենթարկել ոստիկանության բաժին: Այս մասին «Արմենպրես»-ի հետ զրույցում հայտնել է ՀՀ ոստիկանության հասարակայնության հետ կապի և լրատվության վարչության պետ Աշոտ Ահարոնյանը:
«Ոստիկանության տարբեր ստորաբաժանումների համատեղ աշխատանքի շնորհիվ հայտնաբերվել է Երևանի Նոր Նորքի զանգվածում գտնվող «Երևան սիթի» սուպերմարկետի տարածքում գործող շուկայում սպանության դեպքով կասկածյալը»,- նշեց նա:
Քննչական կոմիտեն դեպքի առթիվ հարուցել է քրեական գործ Ավան և Նոր-Նորք վարչական շրջանների քննչական բաժնում՝ սպանության հոդվածի հատկանիշներով:
2017 թվականի դեկտեմբերի 22-ին, ժամը 12.00-ին, «Սուրբ Գրիգոր Լուսավորիչ» բժշկական կենտրոնից ոստիկանություն հաղորդում էր ստացվել, որ Գայի պողոտայի շուկայից իրենց մոտ էր տեղափոխվել 60-ամյա մի տղամարդու դի` «ձախ վերամրակային շրջանի ծակած-կտրած վերք» ախտորոշմամբ: Մեկնած օպերատիվ խումբը պարզել էր, որ նույն օրը ժամը 11.30-ին նշված շուկայում տեղի ունեցած վիճաբանության ժամանակ անհայտ անձը սուր կտրող-ծակող գործիքով հարվածել էր տղամարդու պարանոցին` պատճառելով մարմնական վնասվածքներ, ինչի հետևանքով վերջինս մահացել էր: Ձեռնարկվում էին միջոցառումներ հանցագործություն կատարած անձին ու հանցագործության գործիքը հայտնաբերելու ուղղությամբ: