Հայաստանը 2018 թվականին մտնում է քաղաքական վերադասավորումների ակտիվ փուլ: Սահմանադրական փոփոխություններով սկսված և արդեն այս տարվա ապրիլին հանգուցալուծմանը մոտեցող գործընթացը, սակայն, այդքան էլ հարթ չընթացավ իր հիմնական շահառուի ու ճարտարապետի ՝ Սերժ Սարգսյանի համար: 2016թ. ֆորս մաժորային իրավիճակներն ու Կարեն Կարապետյանի հայտնվելը Հայաստանի քաղաքական կյանքում ներքաղաքական ձանձրալի կյանքին նոր ինտրիգներ հաղորդեցին:
Ողջ 2017թ. անցավ այդ ինտրիգների մեջ: Ամեն դեպքում, ժամանակավոր նահանջը Սերժ Սարգսյանն օգտագործեց հնարավորինս արդյունավետ և 2018թ. ապրիլի ներիշխանական ինտրիգի հանգուցալուծումը գնալով ավելի պարզ է դառնում, չնայած վերնախավում տիրող անորոշությանը: