Բրիտանացի արքայազն Հարրիի և ամերիկացի դերասանուհի Մեգան Մարքլի հարսանիքն այս տարվա ամենասպասվող արարողություններից մեկն է։ Մայիսի 19-ին նրանք կպսակադրվեն Վինձորի Սուրբ Ջորջի մատուռում։ Բրիտանական թագավորական ընտանիքին մոտ աղբյուրները Daily Mail-ին պատմել են, թե ինչպես է զույգը պատրաստվում այդ կարևոր օրվան։
Ներքին աղբյուրների խոսքով՝ Հարրին ու Մեգանն անձամբ են զբաղվում հարսանիքի նախապատրաստությամբ։ «Նրանք ծրագրում են հեքիաթային հարսանիք՝ դասական սպիտակ գունային գամմայում։ Նրանք շատ անակնկալներ են ծրագրում և ցանկանում, որպեսզի հարսանիքն արտացոլի նրանց սեփական ճաշակն ու ինքնությունը»,-հայտնել են աղբյուրները։
Զույգը ստիպված կլինի պահպանել որոշակի կանոններ՝ կապված հյուրերի ցուցակի հետ։
Ինչ վերաբերվում է ճաշկերույթին, ինչպես հայտնում են աղբյուրները, կերակրացանկում առկա կլինեն ոչ միայն բրիտանական խոհանոցի, այլևս հարսնացուին հոգեհարազատ դասական ամերիկյան կերակրատեսակներ։