«Եթե գազի սակագինը չնվազի՝ շարունակական գործադուլ է լինելու, եթե դա էլ արդյունք չտա՝ կարտագաղթենք»։ Այդ մասին «Առաջին լրատվական»-ի հետ զրույցում ասացին մի շարք երթուղայինների վարորդներ։
«15-16 հազար պլան է դրված՝ նայած գծի, գազը մեր ջեբից ենք լցնում, մեքենան մենք ենք սարքում։ Գազի փողը 10 հազար է կազմում, 25 հազար դուրս ենք տալիս, բայց էդքան մարդ տանո՞ւմ ենք, որ 25 հազար դուրս տանք։ Այսօր արդեն կոնկրետ գազին 2000 դրամ ավելի գումար ենք տալիս։ Էն ժամնակ 6000 դրամի գազը 4-5 կռուգ կքշեիր, հիմա խտությունը ընենց է, որ 3 կռուգ ես քշում»,- շեշտեցին նրանք։
Վարորդների խոսքերով՝ իրենք չեն ցանկանա, որ տրանսպորտը թանկանա, քանի որ երթուղայինից օգտվողները շատ հաճախ հնարավորություն չունեն անգամ 50 դրամ ավելի վճարել, իսկ հիմա շղթայական գնաճ է, սնունդն էլ է թանկացել։
«Բայց էդ թանկացումը մեզ էլ է առնչվում, մենք էլ ենք ուզում տուն պահել, իշխանությունները լավ գիտեն՝ ինչ վիճակ է»։
Վարորդները ընդգծեցին, որ կդիմեն կտրուկ քայլերի, և քաղաքացիները կամ ոտքով, կամ հեծանիվով ստիպված կլինեն տեղաշարժվել, մինչև՝ իրենց ձայնը լսելի դառնա։
Մանրամասները՝ տեսանյութում։