Ֆրանսիայում արհմիությունների ներկայացուցիչները դժգոհ են բանտերում անվտանգության միջոցառումերի ուժեղացմանն ուղղված առաջարկների բացակայությունից։ Բանտերում անվտանգության ուժեղացմանն ուղղված ցույցերի մասնակիցները բարիկադավորել են ուղղիչ հաստատության ելքը, որտեղ գտնվել է Ֆրանսիայի արդարադատության նախարար Նիկոլ Բելուբեն։
Առավոտյան նախարարը ժամանել էր Վանդեն-լե-Վիեյի խիստ ռեժիմի բանտ՝ հանդիպելու վերակացուների հետ, ովքեր անցած հինգշաբթի մահափորձի զոհ էին դարձել, հայտնում է La VDN-ը։
Հաստատության ղեկավարության հետ հանդիպմանը նախարարը հայտարարել է, որ այսօր կհայտնի բանտի նոր պետի անունը։ Ցուցարարները որոշել են խոչընդոտել ուղղիչ հաստատությունից նրա ելքին։
Հաղորդվում է, որ արգելափակումը շարունակելու դեպքում ոստիկանությունը խոստացել է միջամտել։
Décision pour les syndicats: on bloque ! #VendinLeVieil pic.twitter.com/rDyWNXHNyx
— Francois Grz (@FrancoisGrz) January 16, 2018
Արհմիությունների ներկայացուցիչները դժգոհություն են արտահայտել՝ կապված Արդարադատության նախարարության արձագանքի հետ։ Նրանց խոսքով՝ վերակացուներին առաջարկել են աշխատավարձի բարձրացում՝ առանց աշխատապայմանների բարելավման։
Այսօր տեղեկություն է հայտնվել Ֆրանսիայի հարավի Պեմենյան բանտում անվտանության աշխատակիցների վրա ևս մեկ հարձակման մասին։ Արմատականացված բանտարկյալի գործողություններից 7 աշխատակից է տուժել։
Ֆրանսիական բանտերում անվտանգության ուժեղացմանն ուղղված ցույցերը սկսվել են ուրբաթ։