Եգիպտոսի խորհրդարանն ընդունել է որոշում, որում ասվում է, որ պատմական արտեֆակտների անօրինական դուրսբերումը կամ գողությունը կպատժվի ցմահ ազատազրկմամբ կամ կես մլն դոլար տուգանքով։ Այս մասին հայտնում է Egypt Today-ը։
Նման միջոցառումներն ընդունվել են Եգիպտոսի հնությունների հարցերով նախարարության մի քանի աշխատակիցների նկատմամբ աղմկոտ դատավարությունից հետո, ովքեր օգնել էին գերմանացի հնագետներին Քեոփսի բուրգից դուրս բերել արտեֆակտների մի մասը։
Նախկինում նման հանցագործությունները պատժվել են 7 տարվա ազատազրկմամբ, հարկադիր աշխատանքներով և 5-40 հազար դոլար տուգանքով։
Ամեն ամիս Եգիպտոսում գտնվում են մի քանի տասնյակ անօրինական պեղումների հետքեր։
«Արաբական գարնանից» և Եգիպտոսի ոստիկանության թուլանալուց հետո, Արքաների հովիտը, Գիզան և շատ այլ հին եգիպտական բնակավայրեր և տաճարային համալիրներ ենթարկվել են մի շարք զանգվածային ռեյդերի։