Ավտսրալիական թերիերը՝ Ռաստի անունով, մոտ հազար հինգ հարյուր կիլոմետր է անցել Ավստրալիայի մի նահանգից մյուսը, այն բանից հետո, երբ նրա տերերը մեկնել են հանգստի:
Դեպքը տեղի է ունեցել հունվարին: Երբ Սկուդամոր ընտանիքը մեկնել է արձակուրդի, նրանց երեք ամյա շունը մնացել է բարեկամների մոտ:
Որոշ ժամանակ անց շունը փախել է և հասել մայրուղի: Ինչ որ ձևով նրան հաջողվել է բեռնատարի մեջ մտնել, որը մեկնում էր դեպի Սնոութաուն: Մեքենայի վարորդը գտել է շանը և տուն տարել: Նրա կինը կապվել է շան տերերի հետ հեռախոսով, որի համարը եղել է շան վզկապի վրա:
Ինչպես պարզվել է, թերիերը առաջին անգամը չէ, որ նման կերպ ճամփորդում է:
Ընտանիքը պատմում է, որ շունը փախնում է տնից միայն այն ժամանակ, երբ իրենք մեկնում են արձակուրդի: Հաջորդ անգամ, նրանց խոսքերով, հավանաբար շանն էլ իրենց հետ կտանեն: