«Ալֆա Ֆարմ» ընկերությունը դեղորայքի ներկրմամբ և վաճառքով զբաղվող Հայաստանի խոշոր ընկերություններից մեկն է: Արդեն երկրորդ տարին անընդմեջ ընկերությունն արժանանում է «Համաժողովրդական վստահություն» Հանրային խորհրդի կողմից նախաձեռնած՝ «Լավագույն ապրանքանիշ և հանրային ծառայող» 3-րդ Համազգային մրցանակաբաշխության «Տարվա լավագույն դեղատների ցանցը Հայաստանում» մրցանակին:
Ընկերության տնօրեն Արթուր Գրիգորյանի փոխանցմամբ՝ «Ալֆա Ֆարմ»-ն ունի աշխարհագրական մեծ ընդգրկվածություն, դեղորայք է մատակարարում Հայաստանի բոլոր մարզերին՝ ինչպես իրենց ցանցի շուրջ 120, այնպես էլ ցանցից դուրս այլ դեղատների:
«Ալֆա Ֆարմ»-ի մատակարարման կենտրոնը հագեցած է ժամանակակից տեխնիկայով և հատուկ ծրագրային ապահովմամբ, ինչը բազմաֆունկցիոնալ է և բացի այլ գործառույթներից՝ թույլ է տալիս խուսափել ժամկետնանց դեղերի իրացումից. «Ժամանակակից ծրագրային ապահովումը թույլ է տալիս տեսնել, թե դեղը որքան ժամանակ է արդեն վաճառքում: Մենք չենք սպասում՝ դեղի ժամկետն ավարտվի, նոր շուկայից դուրս հանենք այն: Եթե ինչ-որ դեղատուն ունի տվյալ դեղորայքի պահանջարկը, մենք օգտվում ենք մեծ ցանց լինելու հանգամանքից և դեղը ուղարկում մեկ այլ դեղատուն արագ սպառման համար»:
Ժամկետնանց դեղերը, ինչպես շեշտեց պրն. Գրիգորյանը, «Ալֆա Ֆարմ»-ում չեն մնում, դրանք հանձնվում են դեղերի ոչնչացմամբ զբաղվող լիցենզավորված երկու ընկերություններից որևէ մեկին, որոնք էլ ոչնչացնում են ժամկետնանց դեղերը:
Նա հավելեց նաև, որ այսօր դեղորայքի 90 տոկոսը ներկրվում է եւ գործ ունենք այսպես կոչված «մատակարարի շուկա» հասկացողության հետ, որտեղ գին թելադրողը արտադրողն է, սակայն ընկերության կողմից տարվում է հավասարակշռված գնային քաղաքականություն՝ հայ սպառողի գրպանին հարմար գներով դեղը վաճառելու համար:
Նշվեց նաև, որ «Ալֆա Ֆարմ»-ը հիմնադրվել է փորձառու դեղագետների կողմից, ունի արդեն 17 տարվա պատմություն, իսկ 2008 թվականից ընկերության բաժնետերի ցուցակը համալրել է «Վերակառուցման և Զարգացման Եվրոպական Բանկը»:
«Ալֆա ֆարմ» դեղատների ցանցի որոշ դեղատներում արդեն իսկ գործում է «բաց ձևաչափի դեղատուն» հասկացությունը, երբ սպառողը ինքը կարող է խմանքի պարագաները, բազմաթիվ այլ ապրանքատեսակներ ընտրել և մոտենալ դրամարկղին: Ինչպես նաև մոտ ապագայում ցանցում նախատեսվում է ներդնել «հավատարիմ» հաճախորդների խրախուսման զեղչային համակարգ: