«Կալանքի միջնորդությունները ավելի քան 93 տոկոս դեպքերում բավարարվում են: Եթե վերլուծենք այս վիճակագրությունը, ապա ստացվում է, որ դատարանները ազատ, անկախ և անաչառ չեն, և մեծամասամբ գործը շահում է միայն մեկ կողմը»,- հայտարարեց ԱԺ «Ելք» խմբակցության պատգամավոր Արտակ Զեյնալյանը:
Պատգամավորն անդրադարձավ ՄԻԵԴ-ի վճռին, որով ճանաչվել է Ալեքսանդր Արզումանյանի ազատության և անձեռնմխելիության իրավունքի խախտման փաստը. «Այս վճիռը կարևոր է նրանով, որ Եվրոպական դատարանը Վճռաբեկ դատարանը ճանաչել է պաշտպանության ոչ արդյունավետ միջոց: Սա չափազանց վատ ուղերձ է՝ հղված Հայաստանին»:
Ուստի, պատգամավորի խոսքով, պետք է փոխվի վերաբերմունքը ձերբակալման նկատմամբ. «Հայաստանում հիմնականում ձերբակալումը կրում է կանխավ պատժի բնույթ: Ձերբակալում են մարդուն՝ կոտրելու համար նրա կամքը, որպեսզի ստանան ապացույցներ: Այնինչ պետք է լինեն ապացույցները, հետո նոր ձերբակալվի անձը»:
Մանրամասները՝ տեսանյութում: