ՀՀ պաշտպանության նախարարի առաջարկն առնվազն պատեհ չէ: «Ելք» խմբակցության ղեկավար Նիկոլ Փաշինյանն այսօր հրավիրված ասուլիսի ժամանակ այսպես պատասխանեց լրագրողներից մեկի հարցին, որ վերաբերվում էր Պնախարար Վիգեն Սարգսյանի կողմից դրամահավաքի կոչերին:
«Պատկերացնում եք, ինչ-որ պահի հայտարարվի նաեւ զինծառայողներին սապոգներ գնելու համար դրամահավաքի մասին: Կառավարությունը բոլոր լծակներն ունի, որպեսզի այդ գումարը հավաքի։ Էլ չեմ ասում, որ իրավիճակից ելնելով՝ ես ինքս «1000 դրամների» օրենքին կողմ եմ քվեարկել՝ նաեւ նմանատիպ իրավիճակները հաշվի առնելով։ Թեեւ դեպքը մինչեւ օրենքի մեջ մտնելն է տեղի ունեցել, բայց կառավարությունը պահուստային ֆոնդ ու միջոցներ ունի»,- նշեց նա։