«Դաշնակցության մոտ սփյուռաքահայությանը շոյելու տրամադրություն եմ ես տեսնում, թերևս դիվիդենտներ քաղելու համար ևս, ինչը անբնական չէ»: Այս մասին «Առաջին լրատվական»-ի հետ զրույցում ասաց «Ազգ» օրաթերթի գլխավոր խմբագիր, ՀՌԱԿ ատենապետ Հակոբ Ավետիքյանը՝ հավելելով, որ Դաշնակցության ղեկավար կազմը հորդորելով նախագահի թեկնածուի հարցում ներգրավել նաև սփյուռքին՝ փորձում է դիրքավորվել ապրիլյան զարգացումներին ընդառաջ:
«Ինչքան ինձ մոտ տպավորվեց ոչ միայն պարոն Ռուստամյանի, այլ նաև ուրիշ պատասխանատուների խոսքերից պարզապես շոշափել է պետք սփյուռքի կարծիքը, կամ հաշվի առնել: Չգիտեմ դա ինչ արդյունք կունենա: Անիրական կլինի ասել, թե սփյուռքը իր կարծիքը կարտահայտի և դա որոշիչ կլինի: Սփյուռքը ընդամենը տեսակետը արտահայտելու բարոյական իրավունք կարող է ունենալ, հատկապես այս պարագայում, երբ նախագահին ընտրում է խորհրդարանը: Խորհրդարանում երևի թե պարոն Ռուստամյանը նկատի ունի Դաշնակցությանը, որովհետև ավանդական կուսակցություններից միայն իրենք են ներկա»,-շեշտեց նա:
Մանրամասները՝տեսանյութում