Այսօր մեր կայքում զետեղված` «Ուզում են խլել մանր պաշտոնյաների վերջին ուրախությունը» վերնագրով հոդվածի կապակցությամբ ԱԺ հանրային կապերի վարչությունը պարզաբանում է, որ հրապարակման մեջ տեղ են գտել որոշ անճշտություններ:
Մասնավորապես հրապարակման մեջ նշվել էր, որ ԱԺ-ն վճարում է պատգամավորներ՝ Մանվել Գրիգորյանի և Սեյրան Սարոյանի միջազգային հեռախոսավարձի համար:
Ըստ ԱԺ հանրային կապերի վարչության պետ Արսեն Բաբայանի պատգամավորներ Մանվել Գրիգորյանի և Սեյրան Սարոյանի հեռախոսավարձը ԱԺ-ի կողմից վճարվել է միայն ժամանակ, երբ նրանք ԱԺ-ի կողմից հատուկ հանձնարարությամբ արտասահմանյան գործուղման մեջ են եղել:
Այս պահին նրանք չունեն ծառայողական հեռախոսահամար և նրանց հեռախոսավարձի վճարում ԱԺ կողմից չի իրականացվում: Իսկ Արտաշես Գեղամյանին վերագրվող 015HH01 համարանիշի մեքենան, իրականում 015HH11 համարանիշի է, և որևէ կապ չունի ԱԺ ավտոպարկի հետ, այլ նրա անձնական սեփականությունն է:
