Վաշինգտոնի պլանները` Սիրիայի` ԱՄՆ–ի վերահսկողության տակ գտնվող տարածքում այսպես կոչված սահմանի անվտանգության ուժեր ստեղծելու մասին, անընդունելի են։ Այս մասին հաղորդել է Ռեջեփ Թայիպ Էրդողանի ներկայացուցիչ` Իբրահիմ Կալինը։
«ԱՄՆ–ն քայլեր է ձեռնարկում, որոնք օրինականացնում են ահաբեկչական կազմակերպությանը, դա անհանգստացնում է և անընդունելի է համարվում»,–հայտարարել է Կալինը։
Կալինն ընդգծել է, որ Թուրքիան իրավունք ունի պայքարելու ցանկացած ահաբեկչության դեմ` թե երկրի ներսում, թե դրա սահմաններից դուրս։ «Թուրքիան ամեն միջոց կձեռնարկի իր անվտանգությունն ապահովելու համար»,– նշել է նա։
