Աժ նախկին պատգամավոր Հակոբ Հակոբյանը կարծում է, որ վարչապետին գնաճը չի հետաքրքրում, և պատահական չէ, որ նա հիմա արձակուրդում է, Սերժ Սարգսյանի մոտ էլ գնաճը զսպելու ուղղությամբ խորհրդակցությունը առանց նրա է իրականացվել։
«Մեր կառավարությունն ամեն ինչ անում է, որպեսզի ժողովրդի վիճակը ծանրանա, որևիցե դրական քայլ չեմ տեսնում, որ կատարվել է հօգուտ ժողովրդի, հօգուտ տնտեսության, միայն մտածում են հարկերը հավաքելու մասին, կարծես, ունենք ոչ թե կառավարություն, այլ միայն հարկային նախարարություն»,- «Առաջին լրատվական»-ի հետ զրույցում շեշտեց Հակոբ Հակոբյանը։
Նախկին պատգամավորի խոսքերով՝ եթե կառավարությանը գնաճը հետաքրքրեր՝ ոչ թե Սերժ Սարգսյանի հանձնարարականից հետո ուսումնասիրություններ կսկսեին, այլ ուսումնասիրություններով կներկայանային խորհրդակացությանը։
Անդրադառնալով ապրիլին սպասվող զարգացումներին, Հակոբ Հակոբյանը նշեց, որ Հանրապետականը քաղաքական մեծամասնություն է և Սահմանադրությամբ իրավունք ունի վարչապետի թեկնածու առաջադրել, և նշանակություն չունի՝ Սերժ Սարգսյանը կլինի վարչապետ, թե որևէ այլ անձ, կարևորը քաղաքական ուժի ներկայացրած ծրագրերը պիտի լինեն։
«Եթե իմ անձնական կարծիքն եք ուզում իմանալ՝ ես ուզում եմ, որ Սերժ Սարգսյանը լինի հաջորդ վարչապետը, որովհետև ես տեսնում եմ նրա անցած ուղին, քաղաքական դարբնոցով անցած մարդ է, ես տեսնում եմ այն տարիները, ինչի միջով անցել է՝ թե՛ անվտանգության ոլորտում, թե՛ մնացած բնագավառներում, իսկ մեր վարչապետը՝ Կարեն Կարապետյանը, սկսնակ մարդ է քաղաքականության մեջ, չի նշանակում, որ եթե ՀՀԿ փոխնախագահն է՝ քաղաքականության մեջ կայացած մարդ է, պետք է, որ ճանապարհ անցնի»,- ընդգծեց նա։
Մանրամասները՝ տեսանյութում։