Աշխարհի տարբեր երկրների կառավարություններ որոշել են ունենալ սեփական կրիպտոարժույթը: Այդ ուղղությամբ աշխատանքներ են տանում Իսրայելը, Ռուսաստանը, Վենեսուելան, Վրաստանն ու անգամ Բելառուսը։
Հայաստանի իշխանություններն էլ են հետաքրքրված կրիպտոարժույթով, համենայնդեպս, օրենսդիր իշխանության մակարդակով, որին, սակայն, դեմ են արտահայտվում Կենտրոնական բանկի ներկայացուցիչները։
Թե ինչ է իրենից ներկայացնում կրիպտոարժույթը և ինչ ռիսկեր է այն իր մեջ պարունակում «Առաջին լրատվական»-ի հետ զրույցում տեղեկատվական տեխնոլոգիաների անվտանգության փորձագետ Սամվել Մարտիրոսյանը պարզաբանեց․
«Կրիպտոարժույթների հազարից ավելի տեսակ կա, որոնց մեծ մասը ծնվել է բիթքոյինից․ բիթքոյինը ստեղծվել է 9 տարի առաջ՝ անհայտ անձանց կողմից․ դրանք մարդիկ են, որոնց գաղափարախոսությունը ծայրահեղ ձախ անարխիստական մոտեցումներն են և որոնք փորձել են նվազեցնել պետության մենաշնորհը փողի հարցում։ Արդյունքում ստեղծվեց էլեկտրոնային փող, որը մի քանի կարևոր սկզբունք է իր մեջ կրում․ առաջինը՝ այն ապակենտրոնացված է, այսինքն չկա ղեկավարող մարմին, չկա Կենտրոնական բանկ և ֆինանսների նախարարություն, որը կարող է վերահսկել փողը, սա ամբողջությամբ ցրված է օգտվողների միջև, այսինքն լրիվ էլեկտրոնային փող է և այստեղ բացարձակ հնարավոր չէ մեքենայություններ անել, ամբողջությամբ թափանցիկ է։
Բիթքոյինը հիմնված է բլոկչեյնի վրա, որը հաշվապահական գիրք է, որտեղ աշխարհի բոլոր փոխանցումները ֆիքսվում են և յուրաքանչյուր մարդ դա կարող է իր մոտ պահել, բայց մյուս կողմից էլ բլոկչեյնը անոնիմ է, այսինքն գրվում է միայն որ իքս համարով քսակը փոխանցում արեց իգրեկ համարով քսակին, որն անհայտ է, թե ով է․ սկզբունքը դա է , որ անոնիմ լինելով ինքը միանգամայն թափանցիկ է և ոչ մեկ չի կարող այնտեղ հետին թվով հաշվապահական գրառումներ կատարել ու կարևոր է նաև այն, որ այստեղ էմիսիայի հնարավորություն չկա, այսինքն նոր բիթքոյինի ստեղծումը դրված է հենց բիթքոյինի համակարգի մեջ»։
Մանրամասները՝ տեսանյութում։