Լուրեր
«Ամուլսարի հանքը չի կարող շահագործվել. Միջազգային բոլոր փորձագիտական խմբերը տվել են բացասական եզրակացություն»
  • 10:00
  • 2018-01-14
  • Դիտումներ՝ *

«Ամառվա սկզբին միջազգային երեք խոշոր անկախ փորձագիտական կազմակերպություններ ներկայացրեցին իրենց հաշվետվությունները Ամուլսարի տարածքում ոսկու հանքի հնարավոր շահագործման դեպքում ստորերկրյա և մակերևույթային ջրերի վրա դրա ազդեցության հետ կապված և այն, թե որքանով են այդ ռիսկերը  ճիշտ ներկայացված «Լիդիան Արմենիա» կազմակերպության փաստաթղթերում և ինչքանով է Հայաստանի կառավարությունը կարողացել ճիշտ գնահատել  այդ  խնդիրները։

Հաշվետվության արդյունքում իրենք միասնական եզրակացություն են ներկայացրել, որտեղ հստակ նշված է, որ Ամուլսարում հանքարդյունաբերություն չի կարելի սկսել այնքան ժամանակ, քանի դեռ այս խմբերի  կողմից մատնանշված խնդիրներին չի տրվել հստակ և մասնագիտական պատասխաններ, ինչպես նաև չի հստակեցվել ՀՀ կառավարության և «Լիդիան Արմենիա» ընկերության պատասխանատվությունն այս ծրագրի էկոլոգիական հետևանքների վերաբերյալ, ինչը, սակայն, անտեսվել է»,- «Առաջին լրատվական»-ի հետ զրույցում ասաց «Հայկական բնապահպանական ճակատ» նախաձեռնության անդամ, աշխարհագրագետ Լևոն Գալստյանը՝ խոսելով  Ամուլսարի հանքի հնարավոր շահագործման վերաբերյալ միջազգային անկախ փորձագիտական խմբի ներկայացրած հաշվետվության մասին։

Նշենք նաև, որ վերոնշյալ  խմբի կողմից ևս մեկ հաշվետվություն է ներկայացվել նաև մի քանի օր առաջ, որտեղ  նույնպես  հանքի շահագործման   առումով տրվել է բացասական եզրակացություն։

«Այսինքն՝ ստացվում է, որ միջազգային հայնտի փորձագիտական բոլոր խմբերը տվել են բացասական եզրակացություն, Հայաստանի բոլոր էկոլոգներն ու անկախ փորձագետները, գիտնականները, բնապահպանները   տվել են բացասական եզրակացություն, բայց  միայն Հայաստանի կառավարությունն է, որ հավատացել է «Լիդիան Ինթերնեշնլի» գրած հեքիաթներին և  համաձայնություն է տվել այս ծրագրի իրագործմանը»,-հավելեց  բանախոսը։

 

Մանրամասները՝ տեսանյութում։

  • Դիտումներ՝ *