Թուրքական բանակը կարող է շաբաթվա ընթացքում գործողություն սկսել սիրիացի քրդերի ինքնապաշտպանական ուժերի (YPG) վերահսկողության տակ գտնվող Սիրիայի հյուսիսարևմտյան Մանբիջ և Աֆրին շրջաններում։ Այս մասին հայտարարել է Թուրքիայի նախագահ Ռեջեփ Թայիփ Էրդողանը, փոխանցում է NTV հեռուստաալիքը։
«Մանբիջում, եթե չիրագործվեն մեզ տրված խոստումները (YPG-ի դուրսբերման մասին), մենք գործը մեր ձեռքը կվերցնենք։ Եթե Աֆրինում ահաբեկիչները չհանձնվեն, մենք նրանց գլուխները կպոկենք»,-ասել է Էրդողանը։
Քրդերի կողմից վերահսկվող սիրիական շրջանները Թուրքիայի նախագահն անվանել է «ահաբեկչական գոտի» և հայտարարել, որ ԱՄՆ-ը YPG-ի համար ուղարկել է զենքով շուրջ 5000 բեռնատար և մոտ 2000 ինքնաթիռ։
«ԱՄՆ-ն ինքնախաբեությամբ է զբաղվում՝ կարծելով, որ ահաբեկիչների հետ համագործակցությունը վնաս չի հասցնի իր ազգային շահերին։ Նա, ով օձին իր անկողին է մտցրել, կբախվի դրա հետևանքներին»,-հայտարարել է Էրդողանը։
