Անջելինա Ջոլիի և Բրեդ Փիթի ամուսնալուծությունը մինչ օրս հանելուկ է մնում շատերի համար։ Ո՞վ է մեղավոր։ Սկզբում բոլորին թվում էր, թե տուժողն Անջելինան է։ Նա ողջ ժամանակ հանրության մեջ հայտնվում էր սև հագուստով՝ ճնշված, դժբախտ տեսքով, ինչդեռ Բրեդ Փիթը փայլում էր իդեալական ոճով և հիացնող ժպիտով։ Անցավ մեկ տարի, այժմ Անջելինան փայլում է, իսկ Փիթը ճգնավորի կյանք վարում։ Այս մասին հայտնում են ներքին աղբյուրները։
Դերասանի շրջապատի աղբյուրները հաստատում են, որ Փիթն ապրում է Անջելինա Ջոլիից անմիջական հեռավորության վրա, սակայն կնոջ հետ չի շփվում։ Երեխաները շաբաթական մի քանի անգամ հոր մոտ են գնում, և նա նրանց հետ շփվում է բացառապես առանձնատան տարածքում։
«Բրեդը գրեթե դուրս չի գալիս երեխաների հետ տանից։ Նա ցանկանում է, որպեսզի անձնականը մնա անձնական։ Նա ապրում է փակ դռների հետևում, շատ ժամանակ անցկացնում տանը։ Դա նրա ապաստանն է, որտեղ նա հանգստություն է գտնում»,-ասել է ներքին աղբյուրը։
Միակ պատճառը, ինչի համար Փիթը լքում է իր տունը, այցելությունն է մասնագետներին։ Բրեդը շարունակում է գնալ թերապիայի, որը սկսել է Ջոլիից ամուսնալուծվելուց հետո։
«Նա այցելում է մասնագետների ամեն շաբաթ։ Նա հետաքրքրված է ինքնաճանաչմամբ և ինքնակատարելագործմամբ»,-ասել է աղբյուրը։
