Հյուսիսային Կորեան կարող է 100 տարի էլ դիմանալ միջազգային պատժամիջոցներին։ Այս մասին հայտարարել է Հյուսիսային Կորեայի առաջնորդ Կիմ Չեն Ինը երկրի Գիտությունների ակադեմիայում, հայտնում է Հյուսիսային Կորեայի Կենտրոնական հեռագրային գործակալությունը։
«Շնորհիվ գիտական և տեխնիկական ներուժի ստեղծման՝ մենք չենք ունենա անհաղթահարելի դժվարություններ, նույնիսկ եթե թշնամական պատժամիջոցները շարունակվեն 10 կամ 100 տարի»,-ասել է նա։
Կիմ Չեն Ինն ընդգծել է, որ Հյուսիսային Կորեայի տնտեսական մոդելը հիմնվում է սեփական ռեսուրսների վրա։
2006 թվականից Հյուսիսային Կորեան իրականացրել է միջուկային զենքի 6 և բալիստիկ հրթիռների մի քանի տասնյակ արձակումներ։ Դրա պատճառով Փխենյանի դեմ սահմանվել են մի շարք միջազգային պատժամիջոցներ։