Դերասանուհի Ռեգինա Սիմոնսը մեղադրել է հոլիվուդյան դերասան Ստիվեն Սիգալին բռնաբարության մեջ։ Այս մասին հայտնում է People-ը։ Դեպքը տեղի է ունեցել այն ժամանակ, երբ Ռեգինան 18 տարեկան է եղել։
Դերասանուհին նկարահանվել է «Մահացու վտանգի մեջ» (On Deadly Ground,1994) ֆիլմի զանգվածային տեսարաններում։ Ֆիլմում գլխավոր դերով հանդես է եկել Սիգալը։ Սիգալը նրան իր տուն երեկույթի է հրավերել՝ նվիրված նկարահանումների ավարտին, սակայն որևէ տոնակատարություն չի եղել։ Դերասանուհին հայտարարել է, որ միակ հյուրն է եղել։
Սիգալի կողմից մեկնաբանություններ չեն ստացվել։
Դերասանի կողմից ոտնձգությունների մասին է հայտարարել նաև մոդել Ֆավիոլա Դադիսը։ Նա պատմել է, որ ինքն ու Սիմոնսը դեկտեմբերին հայտարարություն են ներկայացրել ընդդեմ Սիգալի Լոս Անջելեսի ոստիկանական դեպարտամենտ։ Մոդելի խոսքով՝ դեպքը տեղի է ունեցել քասթինգի ժամանակ։
Ավելի վաղ Սիգալի կողմից իրականացված ոտնձգությունների մասին էր բարձրաձայնել լեսբուհի հոլիվուդյան կինոդերասանուհի Պորշա դե Ռոսին։