Նախագահականում անցկացված խորհրդակցությունից հետո որոշ ապրանքների գների հետ կապված կարող են փոփոխություններ լինել։ Այդ մասին «Առաջին լրատվական»-ի հետ զրույցում ասաց ՀՏՊՀ Ինովացիոն և ինստիտուցիոնալ հետազոտությունների կենտրոնի ղեկավար, տնտեսագիտության թեկնածու, դոցենտ Ատոմ Մարգարյանը։
«Հանձնարականը հետևյալն էր պարզել՝ որքանով է գնաճը օբյեկտիվ գործոնների արդյունք և որքանը սուբյեկտիվ՝ պարզ մարդկային ագահության հետևանք։ Բիզնեսն այդպես է, նա գնում է առավելագույն շահույթի հետևից, եթե հնարվոր է՝ գերշահույթ կորզելու հետևից։ Եթե չես կարգավորում գները, չես սահմանափակում բիզնեսի ախորժակը, նա, եթե հնարավորություն կա, բարձրացնում է գները։ Բայց պետք է ասել, որ այստեղ երկսայր սուր է ամբողջ պատմությունը։ Այն իմաստով, որ եթե թանկացնում եք ապրանքը՝ սպառումը ընկնում է․ վճարունակ, գնողունակ պահանջարկը սահմանափակ է»։
Ատոմ Մարգարյանի դիտարկմամբ՝ գոնե որոշ ժամանակ տնտեսվարողները կարող էին զսպված պահել գները։
Տնտեսագետը ընդգծեց, որ անհրաժեշտ է նաև հասկանալ, որ լավ օրից չէ, որ Հարկային օրենսգրքում փոփոխություններ են կատարվում, հիմնական պատճառը Հայաստանի անդամակցությունն է Եվրասիական տնտեսական միությանը. Հայաստանը ստիպված խաղում է այն կանոններով, որ պարտադրում է այդ կազմակերպությունը: Երկրորդ՝ տնտեսական, սոցիալական, ռազմաքաղաքական իրավիճակն է փոփոխվում, բյուջետային, պարտքային իրավիճակը ևս, և պարտադրված են այդ փոփոխություններին ինչ-որ կերպ հարմարվել։
Մանրամասները՝ տեսանյութում։