Ֆուտբոլի ֆեդերացիայի նախագահ Ռուբեն Հայրապետյանին պատկանող «Հարսնաքար» ռեստորանում 2012թ. հունիսին սպանված ռազմական բժիշկ Վահե Ավետյանի հարազատների նոր հայցն ընդդեմ Ռուբեն Հայրապետյանի եւ գործով դատապարտվածների առաջին դատական նիստի օրը հայտնի է:
Գործով նախնական դատական նիստը տեղի կունենա մարտի 29-ին ժամը 11:30-ին: Այն կքննվի Ավան եւ Նոր Նորք վարչական շրջանների ընդհանուր իրավասության դատարանում՝ դատավոր Արմենուհի Բադիրյանի նախագահությամբ:
Այս մասին տեղեկացնում է Armtimes.com-ը հղում անելով Դատական տեղեկատվական համակարգին:
Հայցվոր կողմը պահանջում է կերակրողին կորցնելու արդյունքում պատճառված նյութական վնասի, տուժող Վահե Ավետյանի կյանքի իրավունքի եւ տուժողներ Արտակ Բայադյանի, Գարիկ Սողոմոնյանի եւ Էդգար Նիկոյանի անձնական կյանքի նկատմամբ հարգանքի իրավունքի խախտման հետեւանքով պատճառված ոչ նյութական (բարոյական) վնասի փոխհատուցում:
