Հայաստանում թանկացումների համար կան և՛ օբյեկտիվ, և՛ սուբյեկտիվ գործոններ։ Այդ մասին «Առաջին լրատվական»-ի հետ զրույցում նշեց ՀՀԿ խմբակցության պատգամավոր Խոսրով Հարությունյանը։
Նա հիշեցրեց, որ դեռևս հունվարի 1-ից առաջ շատ ընդդիմադիր գործիչներ խոսում էին այն մասին, որ հունվարի 1-ից գնաճի ալիք է լինելու. «Դա նրանք կապում էին նրա հետ, որ հունվարի 1-ից, որպես ԵՏՄ տարածք, 800-900 ապրանքների մաքսային դրույքաչափերն ավելանալու են և դրանք նպաստելու են գների բարձրացմանը։ Բայց ոչ ոք չէր կոնկրետացնում, թե ինչ ապրանքատեսակների մասին է խոսքը։ Խոսում էին համատարած գնաճի սպառնալիքի մասին։ Դա հանգեցնում է նրան, որ սպառողի վարքագիծը որակապես փոխվում է։ Ավելին, սա հանգեցնում է նրան, որ առևտրային կազմակերպություններն օգտվում են առիթից և սկսում են գներ բարձրացնել, որովհետև սկսում է պահանջարկն ավելանալ։ Այսինքն՝ մենք դրանով նպաստեցինք առևտրականների մոտ գների բարձրացման նախաձեռնություններին և շահույթի ծավալների ավելացմանը»,- ասաց նա։
Խոսրով Հարությունյանի խոսքերով՝ իրականում հունվարի 1-ից ներմուծվող ընդամենը 87 անուն ապրանքների համար է մաքսատուրքի ավելացում նախատեսված. «Ընդ որում դրանք այն ապրանքատեսակներն են, որոնց տեղական արտադրողը գոյություն ունի»։
Հարցազրույցն ամբողջությամբ՝ տեսանյութում: