ԵՄ 3 երկրների արտգործնախարարները և ԵՄ դիվանագիտության ղեկավարը, կտրուկ հակադրվելով Թրամփի կարծիքին այն մասին, որ 2015 թվականի համաձանագիրը եղել է երբևէ քննարկված վատագույն գործարքը, հայտարարել են, որ դրան այլընտրանք չկա, և որ պատժամիջոցները պետք է հանված մնան։
«Մենք համաձայն ենք այդպիսի մոտեցմանը, մենք ցանկանում ենք պաշտպանել գործարքը բոլոր հնարավոր որոշումներից, որոնք կարող են խափանել այն»,-ասել է Գերմանիայի արտգործնախարար Զիգմար Գաբրիելն իր ֆրանսիացի և բրիտանացի գործընկերների և ԵՄ արտաքին քաղաքականության ղեկավար Ֆեդերիկա Մոգերինիի հետ՝ Իրանի արտգործնախարար Մուհամմադ Ջավադ Զարիֆի հետ հանդիպումից հետո։ Այս մասին հայտնում է Reuters գործակալությունը։
«Միանգամայն անհրաժեշտ է, որպեսզի դա կանխի միջուկային զենքի զարգացումն այն ժամանակ, երբ այլ աշխարհամասեր քննարկում են, թե ինչպես դա ստանալ»,-ասել է Գաբրիելը։
Հանդիպումը Բրյուսելում կազմակերպվել էր՝ ուղերձ հղելու Վաշինգտոնին մինչ որոշ պատժամիջոցների մորատորիումի ճակատագրի վերաբերյալ Թրամփի որոշումը։ Եթե մորատորիումը չեղարկվի, Իրանը հայտարարել է, որ կարող է վերադառնալ հարստացված ուրանի արտադրության։
