«Առհասարակ սառեցված հակամարտությունների հարցով ենթահանձնաժողովը իր օրակարգում ունի Եվրոպայի խորհրդում տեղի ունեցող տարատեսակ հակամարտությունների կարգավորումները և գլոբալ առումով հենց այդ նպատակով է ստեղծված»,- «Առաջին լրատվական»-ի հետ զրույցում ասաց ԱԺ փոխխոսնակ և ԵԽԽՎ հայկական պատվիրակության ղեկավար Արփինե Հովհաննիսյանը:
Նրա խոսքով՝ այս ենթահանձնաժողովը իր գործունեությունն իրականացնում է խորհրդապահական հիմունքներով, ուստի ինքը չի կարող բացահայտել օրակարգը: «Կարող եմ միայն ասել, որ Հայաստանի շահերին առնչվող որևէ հարց այդ նիստում, որպես օրակարգային հարց, ներառված չէ»,- նշեց Արփինե Հովհաննիսյանը:
Մեր զրուցակիցը տեղեկացրեց, որ ԵԽԽՎ ձմեռային նստաշրջանին իր մասնակցությունը կունենա ՀՀ նախագահը, որը հանդես կգա ելույթով, և ԵԽԽՎ պատվիրակները հնարավորություն կունենան նրան դիմելու հարցերով:
Բացի այդ, ինչպես նշեց մեր զրուցակցը, ԵԽԽՎ ձմեռային նստաշրջանի օրակարգը բավականին հագեցած է լինելու: «Անմիջապես նստաշրջանի մեկնարկին ԵԺԿ քաղաքական խումբը պետք է ընտրի խմբի ղեկավար, նախատեսված է նաև ԵԽԽՎ նոր նախագահի ընտրություն»,- ասաց նա՝ հավելելով, որ օրակարգում չկա հակահայկական որևէ ձևակերպում:
Մանրամասները՝ տեսանյութում:
