Ըստ ոստիկանության եւ ապահովագրական ընկերությունների տվյալների, աջ ղեկով մեքենաների մասնակցությամբ վթարների քանակը տոկոսային հարաբերությամբ մոտ 28 տոկոսով ավելի է, իսկ վթարներից վիրավորների քանակը մոտ 39 տոկոսով է ավելի, ինչը շատ բարձր թիվ է: Այս մասին կառավարության նիստում հայտարարել է ՀՀ տրանսպորտի կապի եւ տեղեկատվական տեխնոլոգիաների նախարար Վահան Մարտիրոսյանը՝ ներկայացնելով նախագիծ, ըստ որի՝ Հայաստանում ապրիլի 1-ից կարգելվի աջակողմյան ղեկային համակարգով մեքենաների հաշվառումը եւ շահագործումը:
Մինչև 2018 թվականի ապրիլի 1-ը ներկրված աջ ղեկային համակարգ ունեցող մեքենաներն ապրիլի 1-ից հետո էլ կշահագործվեն, իսկ սեփականատերերը կկարողանան դրանք վաճառել երբ ցանկանան: Այս մասին էլ նախարարը հայտարարել է կառավարության նիստից հետո լրագրողների հետ ճեպազրույցի ժամանակ՝ անդրադառնալով կառավարության այսօրվա որոշմանը: