Դեռևս նախորդ տարվանից սպառողական շուկայում արձանագրված գնաճին արդեն այս տարվա հունվարի 1-ից գումարված թանկացումների նոր ալիքը ըստ Հայաստանի գործատուների հանրապետական միության նախագահ Գագիկ Մակարյանի՝ ունի թե օբյեկտիվ, թե սուբյեկտիվ պատճառներ։
«Օբեկտիվ թանկացումն այն էր, որ եվրոյի և դոլարի փոխարժեքն արժևորվել է և շարունակում է արժևորված մնալ և այդ միտումը կպահպանվի, հետևաբար ապրանքների այն մասը, որը ներմուծվում է դրսից, ապա դրանք կշարունակեն թանկանալ կամ համենայնդեպս չեն էժանանա։
Սուբեկտիվ պատճառներից է այն, որ սպեկուլյատիվ թանկացումներ էլ կան․ չգիտես ինչու շատերը միանգամից որոշեցին, որ հունվարի 1-ից պետք է իրենց ապրանքատեսակները թանկացնեն ՝ այն դեպքում, երբ նրանց ապրանքների պարագայում ոչ մի էական բան չի փոխվել, այսինքն՝ այստեղ ակնհայտ սպեկուլյատիվ բնույթ կա, որովհետև այդ ընկերությունները փորձում են եկամուտներ ստանալ․ բազմաթիվ ընկերություններ ցածր եկամուտով են աշխատում և այս թանկացումները նրանց համար հնարավորություն է, որպեսզի կարողանան իրենց համար գոնե մի փոքր շահույթ ապահովել, այսինքն՝ ոչ թե գոյատևեն, այլ գոնե նորմալ բիզնես ծավալեն, բայց մի մասն էլ գոյատևման խնդիր չունի, այլ զուտ թանկացնում է, որպեսզի շահույթներ վաստակի»,- «Առաջին լրատվական»-ի հետ զրույցում ընդգծեց Գագիկ Մակարյանը։
Վերջինս կարևորագույն խնդիր է համարում նաև այն, որ մեր մոտ ապրանքի որակ-գին փոխհարաբերություններն ամբողջությամբ քաոտիկ բնույթ են կրում, այլ ոչ թե տրամաբանված։
«Եթե քաղաքացին, սպառողն իմանա, որ թանկ գնի դիմաց նա որակյալ ապրանք է սպառում, ապա գոնե ինչ-որ տեղ հասկանալի կլինի, բայց մեզ մոտ որակն ու գինը ռուսերեն ասած՝ «սումբուռնիյ» բնույթ է կրում, դրանք իրար չեն համապատասխանում»,-ասաց Մակարյանը։
Մանրամասները՝ տեսանյութում։
