Ավան և Նոր Նորք վարչական շրջանների ընդհանուր իրավասության դատարանի շենքի առաջ «Սասնա ծռեր» խմբի համախոհներն ու աջակիցները քիչ առաջ հայտարարեցին՝ չեն հանդուրժելու այն փաստը, որ «Սասնա ծռեր» խմբի անդամներից հացադուլավոր Արմեն Բիլյանին ՔԿՀ-ում բուժօգնություն չեն ցուցաբերում և չեն տեղափոխում այլ ՔԿՀ:
Հանուն Հայաստան պետության ճակատի անդամներից Ալեք Ենիգոմշյանը լրագրողների հետ զրույցում համոզմունք հայտնեց, որ ՔԿՀ-ները անգործության են մատնված, հատկապես «Նուբարաշեն» ՔԿՀ-ն: Ենիգոմշյանի խոսքով՝ այնտեղ կալանավորի միայն ճնշումն են չափում: