Իրանցի խորհրդարանական Մահմութ Սադեղին հայտարարել է, որ զանգվածային ցույցերի ժամանակ իրավապահների կողմից ձերբակալվածների թիվը կարող է հասնել 3700-ի։ Այս մասին հայտնում է DW-ն։
Սադեղին, ում դասում են բարեփոխիչների թևին, հղում է արել ոստիկանության և հատուկծառայությունների տրամադրության տակ եղած ցուցակներին։ Պատգամավորը հայտարարել է, որ ձերբակալված ցուցարարների ընտանիքներին պետք է անհապաղ հայտնեն նրանց ճակատագրի մասին։ Քաղաքացիական ազատությունների հարցերով խորհրդարանի հանձնաժողովը դիմել է Արդարադատության նախարարություն՝ ձերբակալվածների մոտ հասանելիություն ստանալու խնդրանքով։
Նախկինում ձերբակալվածների թիվը գնահատվել է 1000-1800։ Ազատ են արձակվել արդեն 200 ձերբակալվածներ, մեծամասնությունը՝ ուսանողներ։
Սպասվում է, որ ազատ արձակման գործընթացը կշարունակվի, սակայն իրավապահները վստահեցրել են, որ դա չի վերաբերվի ցույցերը հրահրողներին և նրանց, ովքեր մեղադրվում են անկարգությունների մեջ։ Ցույցերի հրահրման մեջ մեղադրվող «Իրանցի ժողովրդի մոջահեդների կազմակերպության» անդամներին նույնիսկ կարող է մահապատիժ սպասվել։