Urban Land Institute (ULI)-ը և PwC-ն կազմել են 2018 թվականին անշարժ գույքի ոլորտում ներդրումների համար լավագույն եվրոպական քաղաքների վարկանիշը։ Վերլուծաբանների կարծիքով՝ ցուցակում գերմանական քաղաքների գերակայությունն անակնկալ չի եղել։ Բեռլինը մնում է Եվրոպայում ներդրումների համար ամենացանկալի վայրը։ Իսկ Ֆրանկֆուրտը կշահի ԵՄ-ն լքելու Մեծ Բրիտանիայի որոշումից, ինչի շնորհիվ իրենց շտաբերն այնտեղ կտեղափոխեն մի քանի միջազգային բանկեր։
Ինչ վերաբերվում է Կոպենհագենին, այն զբաղեցրել է երկրորդ տեղը։ Այստեղ անշարժ գույքի շուկայում ակտիվ են ինչպես օտարերկրացիները, այնպես էլ տեղի բնակիչները։ Նշվում է բնակչության զբաղվածության և զբոսաշրջիկների թվի աճ։ Բացի այդ, քաղաքը կյանքի որակով լավագույնն է ճանաչվել։
Նշվում է, որ Ամստերդամն ու Դուբլինը նույնպես կշահեն Brexit-ից։
Թոփ տասնյակը հետևյալ տեսքն ունի.
1. Բեռլին
2. Կոպենհագեն
3. Ֆրանկֆուրտ
4. Մյունխեն
5. Մադրիդ
6. Համբուրգ
7. Դուբլին
8. Ստոկհոլմ
9. Լյուքսեմբուրգ
10. Ամստերդամ