Վրաստանում պաշտպանական բարեփոխումների իրականացումը կքննարկվի ՆԱՏՕ-ի ռազմական կոմիտեի հերթական նստաշրջանում, որը կանցկացվի Բրյուսելում հունվարի 16-17-ին։ Այս մասին հայտնում է դաշինքի մամլո ծառայությունը, փոխանցում է «Գրուզիա Օնլայնը»։
ՆԱՏՕ-ի գերագույն ռազմական մարմնի թվով 178-րդ նստաշրջանը կանցկացվի դաշինքի անդամ-երկրների գլխավոր շտաբերի պետերի մակարդակով՝ կոմիտեի ղեկավար, գեներալ Պյոտր Պավելի նախագահությամբ։
Հանդիպման օրակարգում են ՆԱՏՕ-ի գլխավոր շտաբերի պետերի հանդիպումները գործընկեր-պետությունների՝ Վրաստանի և Ուկրաինայի գործընկերների հետ։ Այդ հանդիպումների ընթացքում կքննարկվեն տարածաշրջանում անվտանգության հետ կապված իրավիճակը և պաշտպանական բարեփոխումները։
Հանդիպումը Վրաստանի հետ կնվիրվի ռազմական բարեփոխումների հետագա առաջընթացին և ՆԱՏՕ-Վրաստան նշանակալի փաթեթի իրագործման ուղիների որոնմանը»,-նշվում է հաղորդագրությունում։ Փաթեթը ներառում է աջակցություն պաշտպանության ու անվտանգության 13 տարբեր ոլորտներում։
Ծրագրված է նաև գործողությունների քննարկում ԴԱԻՇ ահաբեկչական խմբավորման դեմ գլոբալ կոալիցիայի շրջանակում։
