Հայաստանը ոչ աշխատանքային օրերի թվով գերազանցում է աշխարհի շատ ու շատ զարգացած երկրների՝ տարեկան 43 ոչ աշխատանքային սակայն վճարվող օր:
Մեր օրացույցը հարուստ է բազմաթիվ ոչ աշխատանքային համարվող օրերով, օրինակ Հայաստանը այն բացառիկ ու եզակի երկրներից է, որտեղ նշվում է զույգ անկախության տոն՝ առաջին և երկրորդ հանրապետությունների։
Մենք առանձին-առանձին նշում ենք Սահմանադրության ու խորհրդանիշների օրը, մի ամբողջ ամիս ձգվող կանանց երկու տոնական օր, 2 անգամ էլ նշվում է բանակի օրը, ընդ որում մեկը՝ փետրվարի 23-ին, նշում են նրանք ովքեր խորհրդային բանակից մնացած լավ հուշեր և հիշողություն ունեն։
Բայց իհարկե ոչ աշխատանքային օրերի շղթան սկսվում է Ամանորի նախաշեմից մինչև հունվարի 7-8-ը։ Այդպես չեն վարվում, սակայն Հայաստանից չափազանց շատ զարգացած երկրներում՝ օրինակ ԱՄՆ-ում աշխատում են նույնիսկ Հունվարի 1-ին:
ԱՄՆ-ում տարվա ընթացքում ոչ աշխատանքային է համարվում ընդամնը 10-ը օրը. Ավստրիայում, Դանիայում, Ֆինլանդիայում, Ֆրանսիայում, Հունաստանում, Լյուքսեմբուրգում և Շվեդիայում` 25 օրն է համարվում ոչ աշխատանքային. Չինաստանում` 31-ը, Ավստրիայում` 38 օրը, հարևան Վրաստանում օրինակ տարվա կտրվածքով պաշտոնապես ոչ աշխատանքային 14 տոնական կամ հիշատակի օր կա: Աշխարհիկ և կրոնական ոչ աշխատանքային օրերը բաշխված են հավասարապես` 7 եկեղեցական և 7 պետական տոներով: Իսկ մեր երկրում տարեկան 43 վճարվող հանգստյան օր կա:
