Թուրքիայի ԱԳՆ ղեկավար Մեվլյութ Չավուշողլուն ընդունել է, որ Բեռլինի հետ Անկարայի հարաբերություններում խնդիրներ են ծագել, և նշել է, որ երկու կողմերն էլ ցանկանում են հաղթահարել դժվարությունները երկխոսության ճանապարհով։
«Այո, կան խնդիրներ, նույնիսկ լարվածություն և էսկալացիա, սակայն մենք ցանկանում ենք հաղթահարել լարվածությունը երկխոսության միջոցով»,– հայտարարել է նախարարը իր գերմանացի գործընկերոջ՝ Զիգմար Գաբրիելի հետ համատեղ մամլո ասուլիսի ժամանակ։
Քաղաքական գործիչների հանդիպումն անցել է Գոսլարում։ Չավուշողլուն նշել է, որ երկու երկրների տեսակետերը ոչ բոլոր հարցերում են համընկնում։ Որպես օրինակ նա նշել է Թուրքիայի՝ ԵՄ մտնելու վերաբերյալ բանակցությունները։
Վերջում թուրք դիվանագետը ավելացրել է, որ երկու երկրներն էլ ուզում են «հարաբերությունները ճիշտ ուղու վրա վերադարձնել և նույնիսկ բարելավել դրանք»։ Չավուշօղլուն հայտարարել է, որ ուրախ կլիներ Գաբրիելին ընդունել Գերմանիայում։
ԵՄ–Թուրքիա հարաբերությունները վատացան 2016 թվականի ամռանը` երկրում զինված հեղաշրջման փորձից հետո. Եվրամիությունը քննադատեց թուրքական իշխանությունների արձագանքը՝ մասսայական ձերբակալությունները և Անկարայի այլ գործողությունները, և դադարեցրեց Թուրքիայի՝ Եվրամիություն մտնելու հետ կապված բանակցային փաստաթղթերի նոր գլուխների նախապատրաստական աշխատանքները։
