Ըստ Eurostat վիճակագրական ծառայության, ազգային վիճակագրական ծառայությունների հրապարակումների՝ նոյեմբերին ԵՄ երկրների շրջանում սննդամթերքի սպառողական գների առավել նկատելի բարձրացում է նկատվել Ֆինլանդիայում, Մալթայում, Լեհաստանում, Էստոնիայում (1-1,1%՝ նախորդ ամսվա համեմատ)։
ԵՄ-ում 2017 թվականի նոյեմբերին սննդամթերքի սպառողական գները նախորդ ամսվա համեմատ աճել են 0.3 %-ով, իսկ տարեսկզբից՝ 2.3 %-ով։
Տարեսկզբից կարագի և յուղի առավել էական գնաճ տեղի է ունեցել Էստոնիայում (27,1%-ով), Սլովակիայում, Շվեդիայում, Լեհաստանում, Լիտվայում, Դանիայում (18,1-21,9%-ով)։ Ինչ վերաբերվում է մրգերին, առավել մեծ գնաճ է նկատվել Սլովենիայում, Հունգարիայում, Բուլղարիայում, Լեհաստանում, Էստոնիայում, Ռումինիայում, Սլովակիայում (10,9-14,4%-ով)։
Կաթմամթերքը, պանիրն ու ձուն ամենից շատ թանկացել են Չեխիայում (13,8%-ով), Սլովակիայում, Էստոնիայում, Լատվիայում, Լեհաստանում (10,6-12,7%-ով), ձուկն ու ծովամթերքը՝ Նիդերլանդներում (10,9%-ով), Մեծ Բրիտանիայում (8,6%-ով)։
Մսի և մսամթերքի գների առավել բարձր աճ նկատվում է Սլովակիայում, Չեխիայում, Բուլղարիայում, Սլովենիայում (5,2-6,3%)։
