Թերթը տեղեկացնում է, որ Մարտի 1-ի դեպքերի քննությանն առնչված անձինք նեղ շրջանակներում դժգոհում են, թե՝ ժամանակին չթողեցին նորմալ քննություն անենք, ամեն ինչ կոծկեցինք ու սվաղեցինք, իսկ հիմա նախագահի մակարդակով հրահանգում են՝ բացահայտեք «Մարտի 1»-ը:
«Քննիչները տարակուսած են՝ չգիտեն ինչպես պահեն իրենց, ինչ անեն: Եվ անգամ շատ հանձնարարություններ պատվով կատարած, «Հոկտեմբերի 27» և այլ հանցագործություններ ցանկացած ձևով ծռած դատախազները չգիտեն, թե ինչպես դուրս գան այդ փակուղուց: Անգամ եթե էլի որոշ ժամանակ ձգեն ու քննություն կատարելու պատրանք ստեղծեն, ո՛չ իրենք, ո՛չ հանձնարարություն տվողները չգիտեն, թե ինչպիսի արդյունք են ակնկալում իրենցից, և թե այս պարագայում ինչ կարելի է անել: Մանավանդ՝ ներսում բոլորին հայտնի է, թե ինչ է կատարվել, և ովքեր են իրական պատասխանատուները: Այս՝ «ոչ նալին, ոչ մեխին» վիճակը միայն դժգոհության ալիք է բարձրացնում»,- գրում է «Հրապարակ»-ը: