Երեկ, երբ «ՀԺ»-ի թղթակիցը Հանրապետական կուսակցության կենտրոնական գրասենյակում զրուցելիս է եղել ՀՀԿ-ի «պահակի» հետ, իշխող կուսակցության համար ոչ այնքան հաճելի հարցով գրասենյակ է մտել մի քաղաքացի:
Թերթը հայտնում է, որ բարետես արտաքինով միջին տարիքի տղամարդը մոտեցել է տարածքը հսկող անվտանգության աշխատակցին և հարցրել. «Կուսակցությունից դուրս գալու համար ուզում եմ դիմում գրեմ, ո՞ւմ մոտենամ»:
«Արդյոք սա զուտ զուգադիպությո՞ւն է եղել, թե նման այցեր ՀՀԿ հաճախ են լինում՝ դժվար է ասել»,- հավելում է «ՀԺ»-ն։
