Մոլդովան, որպես «Հանուն ժողովրդավարության և տնտեսական զարգացման կազմակերպության» (ՎՈՒԱՄ) 2018 թվականի նախագահ, մտադիր է ՄԱԿ-ի Գլխավոր ասամբլեայի հաջորդ նստաշրջանին առաջ քաշել «ՎՈՒԱՄ գոտում ձգձգվող հակամարտությունների և խաղաղության, անվտանգության ու զարգացման համար դրանց հետևանքների մասին» կոլեկտիվ բանաձևը, ասվում է Մոլդովայի արտաքին գործերի և եվրոպական ինտեգրման հարցերով նախարարության կայքում։
Մոլդովան նաև բարձրաձայնել է նախագահության շրջանում առաջնահերթությունների մասին, որոնց թվում առանձնացրել է ձգտումը՝ ապահովելու ՎՈՒԱՄ ազատ առևտի գոտու գործունեություն և վերածելու կազմակերպությունը ներդրումների համար բարենպաստ հարթակի։
Նշվում է, որ ՎՈՒԱՄ-ում իր նախագահության շրջանում Մոլդովան նաև մտադիր է ամրապնդել և ընդլայնել միջազգային համագործակցությունը ՎՈՒԱՄ+ ձևաչափում, մասնավորապես ԵՄ-ի և ԵԱՀԿ-ի հետ, խրախուսել կառուցողական երկխոսությունն այնպիսի գործընկերների հետ, ինչպիսիք են ԱՄՆ-ը, Ճապոնիան և Վիշեգրադյան խմբի երկրները (Լեհաստան,Չեխիա, Սլովակիա և Հունգարիա)։